Curaçao Social Workers Association

Bon bini na e website di Curaçao ​Social Workers Association (CSWA). ​Aki riba tin tur informashon ku bo ​mester ta na altura di dje tokante ​asosiashon di profeshonalnan den ​trabou sosial na Kòrsou

Curaçao Social Workers Association ta un asosiashon dinámiko pa ​profeshonalnan di Kòrsou ku ta laborá den e area sosial

Mishon

Nos meta ta pa empoderá i sostené e ​profeshonal di Kòrsou ku ta laborá den e ​area sosial dor di ofresé oportunidat pa ​desaroyo profeshonal, rekursonan i sali pa ​nan interes, pa nan por promové hustisia ​sosial, engrandesé bienestar individual i ​fortifiká resiliensia di nos komunidat.

Vishon

Nos ta kere den un Kòrsou hustu i inklusivo, ​kaminda kada persona i komunidat en general ​tin akseso na rekursonan i sosten nesesario ​pa nan por logra nan máksimo potensial i ​kaminda e profeshonal ku ta ehersé trabou ​sosial ta ser rekonosé i apresia komo e ​kontruibidó esensial di kambio i desaroyo ​sosial di nos pais.

Nos lo kumpli ku nos mishon i vishon dor di

• Promové konosementu i ekspertisio bou di nos ​miembronan. Esaki pa medio di kurso, ​seminario i tambe dor di krea interkambionan ​tantu lokal komo internashonal.
  
• Traha na desaroyo personal di e profeshonal. ​Den e area aki hopi biaha e profeshonal ta kla ​para pa sostené komunidat i ta duna su mes ​menos prioridat. Pa medio di seshonnan di ​“intervisie”, aktividatnan sosial i enkuentronan ​di konsientisashon, nos lo duna atenshon na e ​aspekto di kuido propio i desaroyo personal.
  
• Dor di vigilá tendensia i aktualidatnan den nos ​komunidat i hasi investigashon nos lo soru pa ​konhunto ku e profeshonal den vèlt duna ​konseho na instansianan konserní i tambe ​antisipa riba posibel desafionan riba tereno ​sosial.
  
• Krea rekursonan manera método i HD maneho ​ku ta fasilitá e trabou sosial den e tempu di ​awor.
  
• Sali na interes di e trahadó sosial i duna sosten ​(hurídiko) kaminda esaki ta nesesario
  

Ken nos ta?

Curaçao Social Workers Association a ser fundá riba 1 di yüli ​2024. Esaki despues ku un grupo di trahadó sosial a bin ta reuní ​strukturalmente pa mas ku un aña. Durante di e reunionnan aki a ​surgi e idea pa krea un plataforma kaminda profeshonalnan di nos ​dushi isla Kòrsou ku ta labora den e area sosial, por topa, ​interkambia di konosementu i pensamentu i tambe duna sosten ​na otro riba nivel profeshonal.

Na luna di sèptèmber 2023 e grupo aki, ku ya tabata reuní, a bini ​ku e idea pa partisipá na e konferensha mundial di edukashon, ​trabou i desaroyo sosial na aprel 2024 ku un delegashon di ​trahadónan sosial di Kòrsou. E konferensha ku a tuma lugá na ​Panama tabata e konfirmashon ku mester bini un plataforma di ​forma ofishal pa profeshonalnan den e ambito sosial na Kòrsou.

Despues di a hasi e trámitenan nesesario e grupo ku ta konsistí di ​5 trahadó sosial a hasi Curaçao Social Workers Association un ​realidat.

Sera konosí ku e fundadornan i promé direktiva di Curaçao Social ​Workers Association

Ken por bira miembro?

Un asosiashon ta un asosiashon dor di su miembresia.

Pa esei nos ta hasi un yamada na tur profeshonal sosial di Kòrsou

pa bira miembro ya asina nos ta engrandesé

Curaçao Social Workers Association.

Konektá ku